我终于系4月20日回归广州喇~~今次旅程真系非常禁十分之顺利吖~~处处遇岛贵人,令我地既旅途非常愉快... 所以我决定写一篇旅途感想,同时希望可以提供俾想去张家界凤凰玩既朋友作为参考啦~~~ 大家真系唔好意思吖~~我依间开始写啦~~哈哈... Day1: 晚黑七点钟,我同靓女红,黄小鸡三个人搭上N710列车, 踏上去张家界既旅程...我地买既系硬卧车票, 我训 中铺, 票价系RMB268, 距地两个训下铺, 票价RMB277...火车上,我地都好兴奋,第一次自己出黎甘样自助 游, 真系又开心又担心吖~~系火车开出果阵,我地纷纷拿出相机,拍低果一重要时刻... 由于我地有两个下铺,所以图中果 张台就俾我地独占左了~~哇哈哈...晚上既消遣就系打下牌倾下计发下信 息甘~~大概十点左右火车就关灯了, 而我地都各自翻番去床度训... Plus: 系火车度俾我既感觉就系, 去厕所好唔方便, 厕所门成日因停站而锁左, 所以最后索性忍到第二朝先去厕 所~~~55555....TT^TT

Day2: 早上我五点几就醒左喇~~训唔好,成日俾d经过既人嘈住, 如果你怕嘈既话,下次搭火车记住带耳塞吖~!! @_@! 醒左果阵发觉车外落住好大既雨, 火车已经离张家界越黎越近喇,真系担心我地今日既行程会晤会 泡汤吖...记得过左六点几果段时间, 车厢又静翻落黎,甘``我又训着左喇~~一直到八点我就真正醒左落床 ~~窗外仲系落住大雨....果阵我地开始计划落雨可能要将上山既大日子推迟一日咯~~之前同一个网上识既 导游倾过, 我地班火车应该系9点半到达张家界, 眼看时间越来越逼近, 但雨势仲系甘...真系@#$&%^....不 过我地三个就仿佛如有神助甘, 岩岩落火车, 雨就停左了, 而且仲变到好好天添~~揾岛我地之前约好左既 导游陈灵斌15874458398之后,我地就搭上火车站附近既6号公交车去张家界市汽车总站了...大概十几分钟就到左汽车总站 ~~我地顺便系果度买埋后日去凤凰下午2点半既车票(因为从张家界去凤凰既车每天只有两趟, 分别系上午 八点半同下午两点半, 所以售票比较紧张~导游惊我地如果到时先买会买唔岛票,所以就叫我地买左先咯!)~ 跟住再转搭前往张家界森林公园既中巴~~take左大概一个钟多d既时间(车费8蚊),我地就到达左森林公 园既范围喇~我们滴一行二天全包420一人含门票吃住及导游费. 张家界森林公园全票为RMB245, 凭学生证24周岁以下可以RMB131~~之后我地沿住金鞭溪一直甘走上山 沿路经过既景点包括有"闺门迎宾", 超巨型既"同心锁","健身路", "母子峰", "猪八戒背媳妇", "鞭岩", "唐僧, 孙悟空,猪八戒", "劈山救母", "山顶蜡烛", "文星岩",."双龟探溪", "秀才藏书", "网状纹理", "千里相 会", "重欢树"等等....经过近个半钟既山路同埋5分钟山上免费穿梭巴士既车程,(当中包括我地无限次停停影

大家多支持！！给我信心哟。

影既时间), 我地终于到达左张家界有名既"百龙电梯", 高度系323米(大概), 从山脚上到去山顶只需要1分58
         秒~当然如果你够骨既话可以步行上山, 我问过导游,大概需要个几两个钟~~我地最终选择左座呢个电梯...
        后来我地爬左一小段上去电梯既山路证实左我地既选择系无错既~~^-^! 上呢个山条路真系好陡好斜, 一段
        短短既楼梯都把我地几个累死~~之前个几钟既路都无呢段三分钟既路既十分之一禁累~~

两分钟之后,我地就到达左山顶喇~~黎到第一个著名既景点区----"天下第一桥"~当日我地并无去第一桥度
         玩,因为我地之前成日影相既缘故,搞到果阵时间已经系傍晚5点了~搭完一日火车跟住就行山,我地三个都
         觉得好累了,所以决定今日就到此为止~~之后我地跟随导游小陈上环保车大到大观台：土家爱自由部落。妈咪朋友介绍俾我地既"土家在自由部落"屋企
         住左落黎, 果度好似系叫做'山水画咩协会', 位置就系系"大观台"果块牌坊斜对面~~~~
         既条件就@#$#@喇~~搞到果两条第一次住系山上既牟利直呼要翻屋企~哈哈...我就无唛所谓, 比呢个更差
         既环境我都住过啦~~~哦呵呵....顺便告知大家~一般如果你谂住系上山住既话(我不单止指张家界,系指所
         有以山为主既景区), 所有住宿条件都系比较一般噶喇~除非你肯花几百蚊黎住d所谓三星级宾馆啦~~晚上国，我们一地放哈行李后，游玩附近景点大观台，果度四个景点 仙人桥   天子座，一步难行，神鸡啄食等，游完后我地一行还回土家爱自由部落。
         餐都还算可以, 小炒炒得唔错~~我地三个人有两荤一素加一个番茄汤~小炒碟数系按人头计, 人数越多,餸

         就越多~~土家爱自由部落屋企有一台电脑, 可以借用, 将d相转移到备用U盘度, 晚黑就系飞虫多左d,热水时热时唔
         热~厕所烂左d 甘啦~~我地三个轮流冲完凉, 打左阵牌就训左噜~~

Day3: 因为琴晚计划好, 听日去睇埋黄龙洞先走, 所以决定今晚落去武陵源县住...Hence, 今日既行程就差唔多系要行晒成个张家界!! 一早起身, 吃完早餐(稀饭+馒头+鸡蛋1只+送稀饭既小菜), 我地揾导游一起我地今日行程因为时间紧迫, 游览既 地方亦都少左~我地无时间去张家界著名既空中田园了~呢个系我系张家界唯一既遗憾~!因为听陈导讲, 如果我地去埋果度, 就要系 山上留多一日, 但我地又已经买左听日去凤凰既车票,所以唯有错过距啦~~TT^TT~~ 离开土家爱自由部落屋企, 我地跟随小陈坐车去袁家界佢画俾我地既 原来禁就有一个禁靓既景点...真系后悔琴晚无出黎睇下吖~~ 果度叫 做"峰林峡谷"...
跟住我地仲睇左"试刀石", 代表一百蚊果四个人既"4人头""情人谷"等地方~~ 大概行左一个钟岛
(我地果时因为几赶时间,所以有d路系用跑既), 我地黎到左今日行程既第一大景点----"天下第一桥", 之前我一直 以为天下第一桥应该系一条好长既铁索桥~~但谂都谂唔岛佢竟然系一条由山形成既高320米跨度50米既"桥"...今日个天色晤系太 好~所以d相都系蒙上一层薄雾既美景, 呢个有d可惜,但系现场睇令有一番景色,就如我地既国粹中国山水画一样,美得如痴如醉~~ 第一桥上面锁满左好多金色既许愿锁, 可惜我无bf吖~~如果晤系都买翻个同心锁锁系度作留念啊~哈哈...d锁既价钱从25--几百蚊 不等,可以刻d字上去,视乎果把锁既大小同质量...我同距地讲,第日我发左达, 自己造个金既黎锁系度~哈哈..晤知到时有无人发现 我把锁系真金做噶嗫~~嘻嘻...行完天下第一桥,我地就走翻一条弯路翻去天下第一桥景区停车场度准备我地下一个景点, "乌龙寨" 喇!!沿途经过一处叫"万丈绝壁"既景点.
[ 本帖最后由 野菜花儿 于 09-05-28 13:18 编辑 ]

大概用左二十几分钟既时间,我地跟随小陈行翻去停车场果度,果度有免费既穿梭巴士(往天子山方向既)搭我地去乌龙寨景区范围~~途中我地以十蚊既价格一人买左一顶"牛女帽",立即变身为三只牛女~哈哈...非常之禁引人注目,回头率100%啊~~!!后黎发觉我地买既价真系全张家界最便噶喇~~~哦呵呵...

乌龙寨属于杨家界, 顾名思义, 呢个系一个山寨, 系整个张家界范围入面最险峻既一个,而且系景色最优美既~~系巴士站对面,我地买左两斤野生栗子吃,味道好甜,不过贵左d,讲价后都要成7蚊一斤~ 记得果日中午,我地三个人就系用呢两斤栗子黎顶肚咋~~呜呜...为左赶时间,唯有唔停留系度吃饭啦~~从乌龙寨巴士站一直行到去第一个寨门,用左个几钟~当然包括我地途中休息既时间啦~~我地先系翻越左一个小山波(好长吖条路),跟住再走一段好长既水泥石阶路,经过好几个起起伏伏~~(沿途景色有"金鸡报晓", 果个石真系好似一只鸡啊!哈哈..小鸡系果度摆左个鸡既姿势,同yama红合影左一张相...甚可爱的...嘻嘻....)途中我地又买左旅途中第二样出钱买噶野``就系系图3中我同小鸡都拿住既"敲敲捶"喇~~我地系行左好耐先买噶~~点解?因为果度肯便卖俾我地咯~~要知道我地从一开始游张家界就已经睇岩个甘既捶,但系道道都唔肯低过2蚊/个出售~~So...米唯有等到有低过2蚊果阵先买咯~~哈哈...结果我地最后以5蚊三个既价位购入左呢三个系以后既几日旅程入面不得缺少既宝贝喇~~嘻嘻...一个钟之后就黎到第一个寨门喇~谂翻起我系金鸡报晓果度望过去寨门果边,觉得真系不可思议啊,果阵我系以为果度系第二度既景点黎噶~依间先知道原来佢就系我地目的地既第一道门咋~!!!!上左寨门无几耐就有一个"点歌台",从果度之后既山路就更加难行了....可谓险象环生, 每行一步都要小心翼翼,一个唔小心真系可能会叉错脚碌翻落去啊~~

后尾翻到去差唔多到金鸡报晓果度先有人话俾我地知具体系点行~而且果个人仲话要行个几钟先到~~唉...睇下个表,时间都唔早了,我地仲要赶去天子山果边跟住落山,所以就唯有放弃呢个第一靓既地方啦一步登天~~TT^TT~~总觉得回程既路比去程既易行好多~好快甘..我地又行翻去头先我地落车既地点喇~~果阵时,我只脚开始有d累了,隐隐觉得佢有d痹...我地岩岩去到无几耐,就有车黎了~我地跟随导游搭既系往天子山方向既车,..近半个钟既车程,d山路弯弯转转, 加上我又含住粒话梅, 晤知点解竟然觉得想呕(我系从来搭车都唔会呕噶, 比呢d山路更加弯既路我都行过都未曾试过),yama红都甘觉得...小鸡就已经累到训着左噜...就甘样,我地黎到左下一个景点----"神堂湾"...景色如何我就不必多讲噶喇....请大家欣赏下d图片啦~~嘻嘻...

*****

跟住落黎我地跟随导游搭车前往最后一个景区----"天子山景区"喇...天子山系因为以前有一个皇帝系呢度住过,所以先被甘样命名既~~落左车,往贺龙公园既方向行,沿途有一度地方摆满左卖栗子,花生,红薯,水果既摊子~~果度d栗子十蚊有4兜~~真系便到...可惜我地头先系乌龙寨果阵已经吃饱了...所以都无点停留...直到贺龙公园入口,果度有个洗手间, 几干净下...同埋一个"点歌台",系果度我地见到一大班韩国人..d韩国人多啊~~再行入去三分钟岛,就到左"贺龙"铜像~~呢个铜像高6米,系真系铜黎噶!! 铜像正后方有两条落石阶既路,分别通向四个不同既景观台...我地时间无几多,就静系去左其中一个有个亭既观景台,就急急前往下一个景点"御笔峰"了..."御笔峰"之命名,因于其山状似一支支笔甘屹立于地上,又处于天子山处,所以被人描述为"御笔"...御笔峰对面既观景为"仙女散花", 一个貌似仙女既石山捧住一个石花篮(后黎曾俾我复述为"花盆",佢地两个话我破坏晒d优美景象喔哦~~哈哈~~!!),好似系度洒落篮中之花~~

好喇.时间都唔早喇..要准备落山噜~果阵我地就系度考虑..究竟系坐缆车落山好定系行路落去好嗫...缆车就29蚊(学生价,正价好似系54蚊), 行路又晤知识唔识行..睇下个表都已经五点三喇~听小陈讲话缆车最迟果班好似系5点半...而果阵我地都仲未知缆车系边度搭~就系呢个时候..我地撞岛头先系铜像果度见到既一个团,距地貌似想行路落山甘喔...所以yama红就同我讲,"不如跟埋距地落山算啦~小陈讲都系行个半钟咋嘛"..甘我谂下..都好喔..唔使禁快结束我地系张家界既行程~(果阵真系有d不舍噶)...所以我地就决定行路落山喇...不过,话就话系落山...其实上山既路亦都不少...我地行下行下..彷佛条路无尽头甘..本身我地三个系行系果个团既前头噶..后尾无几耐就俾佢地超前左...而且系超前好多添吖~不过好采..佢地当中有一个中年吖叔行唔岛路唛济,始终系我地后面或者同我地一齐..后尾系同距既交谈之中知道距地系广西一个公司出黎公司旅行!)果个吖叔都几好倾既..呵呵...行到差唔多半个钟果阵,我地都发觉只脚开始有发软既感觉了..多次想坐低休息...但系广西团既导游叫我地要快d~因为就黎天黑了,如果我地唔赶上距地自己行会有危险...甘样..我地就唯有继续行啦~又过左十五分钟,我地就开始后悔点解当初唔去搭缆车喇!因为此刻,我地既脚都开始系度震了...我系第一次体会到呢种感觉噶...系真系自己识震咯~而且行一步都想向前倾甘既感觉..果度条路好斜,而且我地系落紧山,行每步都要好小心,而且只脚开始有痛既感觉了...每行一步都好困难,但俾人区促,又不得不行...沿途见到好多美景,但都无暇摄影了(不过都影左4,5张~嘻嘻..)~自果时开始...我地三个就不断甘抱怨点解头先唔搭缆车.....)就系甘样...我地就好郁闷甘继续往前行.....(途中景点净系记得有"雄鸡回头")再过多半个钟...终于黎到十里画廊坐小火车果度喇.."十里画廊", 并晤系真系画廊,而系由一段长达十里既连绵山脉所形成既一幅漂亮既风景,如似一幅壮丽既山水画..果阵时,我地既脚已经好似就黎断甘喇...见到果度既小火车,好兴奋,心谂,终于唔使行喇!虽然明知呢个小火车系揾笨既),但都愿意出钱俾人揾笨了到呢个时候..但..距竟然都收左工了!!!晤系话张家界口号"有求必应"噶咩,所以我地就强力要求距地开火车仔,但系距地始终都无理过我地..(哭..)广西导游话俾我地知, 有求必应既系穿梭巴士,晤系呢d...唉..甘样我地唯有继续走落去啦..十里画廊系一条平直既路,本来就应该好易行既...但系我地头先落惯左山,依间行翻平路,感觉比落山更加难受...半个钟既路程只脚就痛足半个钟,不过好在系平路,扑街都唔死人..十里画廊景点大概有"三姊妹""锦鼠观天""神鸡啄食""采药老人""寿星迎宾""猴王撩哨""孔雀开屏""合家欢""天子座""项王阅书""一指对天""雄虎嚎天"等等景观...黎到出口了..不舍既心情开始涌左出黎..虽然真系好辛苦..但回想翻呢两日既旅程,真系好开心..大学生涯入面,有一段禁值得留念既"毕业旅行"亦都算得无憾了...果阵时,广西团既团友先发觉原来我地系背住一大包行礼行落黎噶...而距地就系两手空空...我地开始受到左大家既赞扬...哦哈哈...广西导游call左"5555555"..张家界汽车服务..甘我地先有车搭翻出去正门..正门附近有一个奥运会漂流比赛既场地..就甘样我地就黎到左"武陵源"出口喇...果度既大门好靓噶...好似一个皇宫甘... 我地去陈导游介绍既旅舍度谂住住落,点知无房喔...甘果度既老板就话介绍我地去佢朋友屋企,三人间 120蚊一晚..觉得真系超值吖...嘻嘻嘻....吃过晚饭冲埋个凉...我地就训左噜...
系武陵源吃既晚餐(含田螺,油菜,两碟炒面<好吃!!>同一个汤,总共47蚊,D菜可以讲价噶!!)

因为琴晚实在系太累了,早上起身又落雨...所以我地推到成8点半先起身...只脚痛到死..佢地两个仲话落雨唔去黄龙洞添~不过我话既然黎到就去埋佢啦~之后佢地都乖乖甘起左身喇~~后尾我地退房果阵都仲落住颇大既雨,于是我地就一人买左一件雨衣(5蚊三件),避免淋湿d行礼..继续前进了..我地去到离我地旅舍无几远既乘车点,可以选择搭公交车或者打的,搭公交车既话就1蚊1位,打的就15蚊(考虑到呢个差距,我地都系搭公交车啦~我地跟随导游系公交车果度识左一个去黄龙洞,佢正赶去果度同佢d团友汇合~大概20分钟既车程,我地就黎到黄龙洞...!入面d野因为太黑既关系,都无点拍摄,亦都晤系好记得入面d野既名噜...主题就系围绕住龙王既宫殿甘咯~呵呵..
万石怪洞前既"三怪人
黄龙洞，洞内分别有韩语同中文既导游带我地游览~要行路,又要坐艇仔,总共要花1个小时30分钟游完,唔多唔少....票价全票RMB84,学生票RMB41~游完整个洞果阵都唔早了...我地跟随小陈即刻坐翻头先搭既1号车,去搭车翻张家界市既公交车站准备乘车...(1号公交车应该系每20分钟一班)..大概 15分钟,我地就到左武陵源车站~搭去张家界既车,无话几个钟一班,佢地既规定系储够8个人就开车~如果禁岩唔够人数而你又赶时间既话,如果你肯补够8个人既差价,都一样可以要求佢开车~车费10蚊/人,车程1个小时,总站张家界汽车总站落车...我地去到岩岩2点,够时间买个粉吃告别小陈之后...我地三人一起去凤凰既系大巴,车厢干净..司机好注意车内卫生~就甘样..2:30分我地就从张家界市出发去凤凰古镇喇...历时4个小时~沿途风景优美,大多数以田园风光为主~如果自己开车就好噜~~可以停落黎影下相~呵呵...我就..训左2个钟...嘻嘻...